Wein des Monats

Für den August 08 haben wir den Riesling Spätlese auserkoren.

Dieser Wein passt hervorragend zu Desserts mit Früchten.

Ein ausgewogener Wein mit apart eingebundener Restsüße und feinen Fruchtaromen.

Bei 8 - 10 Grad Celsius kann er seinen Geschmack am besten entfalten.  

Und noch etwas zum Nachkochen (Hier bekommen Sie ab und zu leckere Pfälzer Rezepte)

Do isch e wascheschder pelzer bin, nadierlich aach alles uff pelzisch !!!

Heit gibbts:

"Grumbeersupp unn Quetschekuche"

(was isch do uffschreib iss zwar e bissje feiner wie die normal Grumbeersupp, awwer ach ned schlecht).

Se erscht emol die Zutate:

So, unn jedzt fange mer an.

Die geschälte Grumbeere in Scheiwe schneide unn mit dem klehgeschnittene Laach, de Gelleriwwe unn dem Sellerie in ordendlich Butter ca. 10 Minude anschwitze ohne Farb zu gewe. Nooch de Hälft vun de Kochzeit des Grün dezuschmeisse. Mit Gemisebrih uffülle unn alles weisch koche. Frihher hot mer noch e Scheib Graubrot mitgekocht. Die Alte sahn, des gibt Volume, Bindung unn Geschmack.

Die getrocknete Steinpilze inweeche, die frische Pilze in kleene Scheiwe schneide unn leicht in Butter anbrode.

Die Supp dann durch e Sieb passieren (so e Mixer iss nix weil er die Grumbeere so aggresiv behannelt unn dann alles so klebrisch werd).

Jetzt gewwe mer noch die Steinpilze dezu, mitem Einweichwasser. Je nach Geschmack noch 1 - 2 Tl Majoran unn dann die Sahne unterrühre.

Dann des ganze noch e Stunn stehe losse, damit sich beim durchziehe die Arome vum Gemis, de Kräuter unn de Pilze sche vermische kenne.

An Feierdaache, odder wammer sich was besonnersch Guddes aadu will noch e Schmelze in die gud Supp:

2 EL Butter in em Pännsche braun werre losse, 1 EL Mehl dezu unn anbräune. Mit ner Kell voll Supp ablösche. uffkoche losse unn dann ab demit in die Grumbeersupp.

De Quetschkuche kann jo jeder Pelzer. Hefedäsch mache, im runde Blech sche ausrolle unn dann die Quetsche druffleche (defor awwer entkerne unn in de mitt durschschneide, wie bei Schmetterlingssteaks).

Zu de Grumbeersupp schmeckts am beschte gezuckert unn nett mit Sahne. Awwer wie mei Bekannte die nett vunn de Palz sinn immer sahn: " Wer zu einer Kartoffelsuppe einen Zwetschgenkuchen isst, kann sich eigentlich nicht darüber streiten ob auf den Zwetschgenkuchen Sahne oder nur Zucker soll. Das dürfte auch keinen großen Unterschied mehr machen ".

trotzdem e Gude Apeditt

zurück